Kuarta TDD Fo Sai Rejultadu Kaju MJ Lucia

STL, 28 Maiu 2012

DILI -  Tribunal Distrital Dili (TDD) Kuarta (30/5) Sei  fo sai rejultadu alegasaun ba kaju Lucia Lobato atual Ministra Justica (MJ), nebe deskonfia halo korupsaun iha Governu Aliansa Maioria Parlamentar(AMP) nia laran.

Akuzasaun forti husi Ministeriu Publika ba arguida Lucia Lobato, nomos Antonio Freitas Soares xefe aprovizionamentu MJ, nebe deskonfia halo abuzu de poder, hodi falsifika dokumentus, sosa fardamentu ba prizioneiros, rehabilitasaun ba edefisio notariadus, rejistu sivil, iha distrito 8, inklui rehabilitasaun edefisio prizaun Becora iha tinan kotuk liu ba.

Faktus nebe, MP akuza,ba argida, durante julgamentu, iha 23-25 Marco liu ba, konsege rona deklarasaun husi arguido Antonio Freitas Soares nomos arguida Lucia Lobato inklui testamnha hamutuk, ema nain sanlu resin.

Kontinuasaun husi julgamentu ne’e, iha loron 23-25 Maio Tribunal rona tan testamunha inklui Jornalista balu, to ikus kaju nune’e, kosege ramata, maibe alegasaun husi rejultadu julgamentu ne’e, sei realiza iha kuarta (30/5) hodi hatene lolos prosesu ne’e nia finalidade. Informasaun kompletu iha STL Jornal no STL Web, edisaun Tersa (29/5). Ines das Dores/Timotio Gusmão

MProkak

Julgamentu Lucia Lobato Tribunal Rona Deklarasaun Prezidente de Juri

STL, 25 Maiu 2012

Tribunal Distrital Dili

DILI - Tribunal Dsitrital Dili (TDD), iha Kinta (24/05), kontinua rona deklarasaun husi Ricardo da Costa, relasiona ho kazu korupsaun, falsifikasaun dokumentus no abuzu poder nebee diskunfia involve arguida Lucia Lobato no arguidu Antonio Freitas.

Ricardo nudar funsionariu publiku Ministeriu Justisa  nian, nebee sai prezidente de juri iha prosesu aprovizionamentu ba projeitu hirak nebee lori Lucia Lobato no Antonio Freitas ba tribunal. Nudar prezidente de juri, Ricardo mak halo avaliasaun dokumnetus husi kompania nebee hatama sira nia aplikasaun konkursu reabilitasaun edefisio notariadu, rejistu sivil iha Distrito Aileu no Ermera. Ricardo deklara, iha momentu nebaa, iha kompainia lubuk ida mak hatama dokumentus, maibe iha avaliasaun iha deit kompania 3 mak manan.

“Kompania tolu nebee manan laos hau mesak mak rekomenda, maibe ekipa de juri hamutuk ho membru sira mak rekomenda ba superior hodi halo aprovasaun, too ikus kompania Levi mak manan projeitu nee iha Distritu Aileu,” haktuir Ricardo ba Tribunal.

Nia esplika, dokumentus final laos asina deit, maibe entrega uluk ba juri ida-idak, hodi estuda, foin mak halo asina no projeito iha Lospalos, nia laiha koinhesementu. Ba projeito hotu laos haree husi presu kiik ka boot maibe haree husi kualidade obra, nunee bele fo benefisio ba ema hotu.

Julgamentu iha fulan kotuk, Tribunal rona testamunha hamutuk ema nain sanulu resin, nomos agora daudauk, Tribunal rona tan testamunha balun, maibe kazu nee seidauk too nia rohan no testamunha balun presta nia deklarasaun la dun klaru.

Iha Kinta horseik, Tribunal rona tan testamunha nain 7 hodi rona sira nia deklarasaun maibe tuir observasaun nebee iha, deklarasaun balun halo Tribunal kumpriende i balun presta deklarasaun halo Tribunal tenki fera kakutak, tamba perguntas nebee hatoo husi Tribunal, Ministeriu Publiku (MP) no Defeza, testamunha la responde ka la hatene hotu.

Entretantu Testamunha Ananias da Costa nudar funionario publiku husi Ministeriu Infraestrutura nebee halo observasaun ba dezenho reabilitasaun, nein hatan perguntas husi MP, Tribunal no Defeza, maibe nia hatan buat hotu nia la hatene. Pergunta balun nia responde duni, maibe Tribunal la kumpriende.

Nune’e mos Testamunha Ponciano da Cruz Leite, nebee hola pozisaun nudar Diretor Administrasaun Finansas MJ, deklara katak, iha tinan 2009 reabilitasaun ba edefisio notariadu rejisto sivil hamutuk distrito 8, nebee tuir dokumentus pagamentu katak, kada edefisio ida montante orsamnetu dozentos dolares amerikanu.

Prosesu julgamentu ba kazu nee halao husi Juiz Koletivu nebee kompostu husi Edite Palmira (Juiz Prezidente) hamutuk ho Jose Maria de Araujo no Paulo Texeira (Juiz Internasional). Husi parte Ministeriu Publiku nian, reprezenta husi Jose Ximenes, Felismino Cardoso, no Angelina Saldanha. Defensor ba kazu nee mak Fernando Carvalho, Cancio Xavier no Sergio Hornai. Kazu nee rejistu ho numeru prosesu, 580/2012/TDD. Partisipa iha julgamentu nee, funsionario MJ, inklui familia husi arguido/a nain rua. nes/luk

Subsidiu Emprezariu Ba Parpol FRETILIN Husu KAK Halo Investigasaun

STL, 25 Maiu 2012

DILI - Partidu FRETILIN husu ba Komisaun Anti Korupsaun (KAK), atu halo investigasaun ba iha partidu politiku (parpol) sira nebee mak simu subsidiu husi emprezariu nasional no internasional.

“Institusaun kompetentes hanesan KAK tenki halo investigasaun hodi haree katak, se ema sira fo fundus ba parpol sira, apoio subsidiu nee husi empreza nasional no internasional nee em nome pessoal ka em nome empreza. Ita husu ba KAK para bele halo investigasuan hodi hatene loos fo nee ho intensaun saida, em nome pessoal ka kompania,” dehan Deputadu FRETILIN, Domingos Sarmento ba STL iha Uma Fukun Parlamentu Nasional (PN), Kinta (24/05).

Nia esplika, lei kona ba partidu politiku (parpol) bandu atu kompania, emprezariu, emprezas publika tantu nasionais no internasionais, labele fo osan. Fundus ba parpol sira laos CNRT deit mas ba mos parpol hotu nebee mak iha lei nee bandu tebes. Se militantes ka em nome pessoal ida mak fo subsidiu ba parpol sira nee, lei fo dalan maibe se reprezenta kompania internasional mak fo subsidiu ba parpol, ida nee lei bandu.

Deputadu Domingos hateten, se pessoal nasionais mak fo fundus, ida nee nia fo tanba hola parte iha parpol, maibe sai kestaun mak se internasional sira mak fo fundus ba parpol sira nee ho nia intensaun, hanoin no hakarak saida.  

“Bele iha interese ruma maibe se emprezariu internasionais sira balun fo nee ho nia intensaun, objetivu no hakarak saida. Se nia la halo parte iha politiku nia laiha politiku atu fo subsidiu, tanba nee KAK presiza halo invertigasaun para hare’e emprezariu se mak fo,” katak Domingos.

Entretantu Sekretariu Jeral Partidu CNRT, Deonisio Babo, informa katak, horseik (Kuarta-red), CNE rasik ba ona iha Sede CNRT para halo inkeritu oan ida haree no klarifika hotu katak buat fund raising nee loos ka lae.

“Ami husu ba CNE tenki halo mos inkeritu hanesan ba partidu politiku (parpol) sira seluk nebee uluk halo tiha ona fund raising nebee konvida kompania barak ba iha nebaa no parpol balun nebee halo subar nunka fo hatene, ida nee mak tenki investiga,” haktuir Deonisio.

Deonisio hateten, sira aprezenta hotu dadus, surat hotu kompletu no baze legal nebee mak sira uza mos hatete hotu, katak CNRT la subar buat ida.

Sekjer CNRT nee argumenta, tuir lei No.6/2008, parpol sira bele halo fund raising (buka osan), nebee iha tinan kotuk parpol balun halo tiha ona. Agora Partidu CNRT bazeia ba lei nee hodi halo iha 12 de Maio foin dadaun iha Dili Convention Center (DCC) no konvida ema hotu. Momentu nee Komisaun Organizadora ba Parlamentar mak halo i laos partidu mak halo.

 “Ami hatene katak iha lei No.6/2008 nee hatete partidu labele simu osan husi kompania, empreza publika ka privadus nasional ho internasional, liu-liu empreza sira nee karik simu projetu husi governu. Iha malam dana Partidu CNRT nian nee konvida simpatizantes, militantes no kuadrus nebee mosu mos ema barak nebee simpatiza ba CNRT, nee hatudu katak ema barak konfia ho CNRT,” tenik Deonisio.

Nia haktuir, iha kalan fund raising nee, ema barak (emprezario) sei promete hela atu fo osan ba partidu, nebee ema ida fo 5 mil, 3 mil, 2 mil, needuni sura hamutuk lubuk ida i ami la sura tan kala jornalista sira mak sura no hakerek iha jornal ida, depois mak Deputada Prezidenti PUN Fernanda Borges lori organizasaun ho naran GOPAC iha Parlamentu Nasional hodi akuza dehan Partidu CNRT buka osan ilegalmente. Ida nee nia direitu, so ke Depuatda husi CNRT nia balun tama iha GOPAC nia laran mos sira la hatene, needuni Sra.Fernanda la hatene hanesan Prezidenti GOPAC uza GOPAC nia naran ka PUN ka nia naran pessoal. Ida nee kapaas tebes tanba nia bele fo ezemplu atu parpol sira tenki halo tuir lei.

“CNRT iha kalan nee depois halo tiha malam dana nee, iha loron 13 Maio, hau rasik halo kedas instrusaun ida ba iha komisaun justisa partidu nian para haree, ema sira nebee hakarak fo osan nee tuir lei ka lae, se la tuir lei, entaun tenki rejeita tanba la tuir lei,” afirma Deonisio.

Deonisio esplika, partidu hotu iha mundu halo fund raising, needuni laiha but ida mak CNRT subar liu-liu ho figura Maun Boot Xanana Gusmão. Nia ema ida ne’ebe ke fo nia vida tomak ba iha nasaun ida ne’e, nia la halo korupsaun tanba deit partidu oan ida ne’e.

“Hau hanoin Sra.Fernanda Borges tenki hanoin halo diak lai, foin bele akuza maibe hanesan politika nia iha direitu atu halao asaun politika ida hanesan nee, mais diak liu nia cek uluk ba iha partidu katak, partidu halo duni illegal ka lae duke nia (Sra. Fernanda) lee deit jornal no blog sira iha internet, depois halo keisa formal ida i ba koalia iha Radio Australia no jornais sira, ne’ebe hau senti ida ne’e normal,” katak Deonisio.

Nunee mos Prezidenti Comisaun Nasional das Eleisoins (CNE), Faustino  Cardoso afirma, lei bandu teb-tebes atu ema estranjeirus ka kompania estranjeirus fo subsidiu ba parpol sira.

“Ita hotu hatene iha lei numeru 3/2004 konaba finansiamentu partidu nian mos koalia iha nee, iha finansiamentu nebee maka bandu atu partidu politiku hetan maka liu husi pesoal koletivas nasionais, buat sira nee labele tanba lei bandu. Dala ida tan lei bandu partidus politikus ou koligasaun partidaria sira atu hetan osan husi emprezarius nasionais, nunee mos emprezarius internasionais, labele iha empreza ida nasional ou estranjeiru fo fali subsidiu ba partidu, ida nee labele,” dehan  Prezidenti CNE.

Konaba pesoal singular, tuir Prezidenti CNE, lei la bandu. Ema singular ou individu nasionais atu fo kontribuisaun fo osan ba partidu, lei la bandu, maibe lei bandu ema singular ou ema individu estranjeirus atu fo osan ou fo kontribuisaun ba partidu, nee lei bandu makaas. lia

Kombate Korupsaun, Programa Importante Ba Parpol Hotu

DILI - Kombate korupasaun sai hanesan pilar importante ba partidu politiku (parpol) hotu iha eleisaun parlamentar. Partidu Sosial Demokrata (PSD) mos hanoin atu kompate korupsaun, hanesan mos Fretilin ho CNRT.  

“Hau hanoin PSD desde inisiu kedas harii too agora nia programa importante ida mak kombate korupsaun,” dehan Deputada PSD, Maria Paixão ba STL iha Uma Fukun Parlamentu Nasional (PN), Dili, Segunda (14/05).

Nia dehan, PSD la admiti korupsaun iha nia partidu rasik. Se karik aban bainrua ba governu mos la admiti ba nia membru ida halo korupsaun. “Agora mos iha ami nia partidu politiku nia programa nebee ami halo hela mak hanesan revizaun hodi prepara atu ba kampanha no prepara mos karik iha tinan ida nee PSD la sae ba governu, iha periodu ida mai nee ka periodu balun mai, ami bele tuur iha governu, ida nee ami sei tau matan liu ba iha korupsaun nee makaas liu tan,” dehan Maria Paixão.

Tuir Maria Paixao, fundador PSD Sr. Mario Carrascalão nee ema ida nebee tau iha nia importansia desde kleur kedas nia kontra korupasun, tanba nee partidu PSD kontinua kombate korpsaun ida nee iha area hotu. PSD buka para atu kombate korupsaun, maibe ida nee depende ba instrumentu, mekanismu no sistema baziku.

Entretantu Josefa Pereira nudar reprezentante husi Partidu Fretilin, hateten, iha programa nebee aprovadu liu husi kongresista sira iha kongresu nasional katak, Fretilin rejeita makaas korupsaun. “Atu kombate korupsaun nee dalan ida mak tenki reforsa institusaun KAK diak liu tan, para nia bele uza nia kompetensia hodi halo investigasaun ba aktus nebee mak ita haree katak iha evidensia ba iha korupasaun, needuni lei kombate korupsaun nee tenki iha,” hateten Josefa.

Nunee mos Brigida Correira husi Partidu CNRT dehan, programa CNRT nian sira seidauk bele fo sai. Sira so bele fo sai bainhira iha tenpu kampanha maibe sira sei hatutan inisiativa ida atu hamenus no hamate korupsaun. lia

STL, 15 Maiu 2012

O grande risco de Timor é a corrupção

A religião católica e a língua portuguesa são opções do povo timorense contra todas as influências. São, segundo Aires Gameiro, antigo director da Casa São João de Deus, um verdadeiro mistério. Esta manhã, na conferência que abre os dois dias para assinalar os dez anos da independência de Timor na Escola Francisco Franco, Aires Gameiro lembrou que os timorenses tiveram influências muçulmanas, hindus, calvinistas e, apesar de tudo, optaram pelo catolicismo e pelo português. Hoje, o grande risco de Timor é a corrupção, "qualquer país do petróleo é um país com riscos".

Autor do livro "40 dias em Timor", escrito na sequência dos meses que passou em Timor em 2008, o ex-director da Casa de Saúde de S. João de Deus salientou este mistério, recordando a história do país e do povo que, depois de tantos anos sob domínio indonésio, com apenas alguma liberdade religiosa e sem o ensino do português nas escolas, abraçou a religião católica e escolheu aprender português. O problema, o maior desafio que o país enfrenta é, neste momento, a corrupção ligada ao negócio do petróleo.

Luís Amado também estava convidado para esta conferência na Francisco Franco, mas ficou retido em Lisboa e só conseguiu avisar esta manhã. Os contactos telefónicos estão condicionados em todas as escolas da Região.

www.dnoticias.pt

Kazu Lucia Lobato Antonio Freitas Rejeita Akuzasaun MP

DILI - Arguido Antonio Freitas nudar Diretor Aprovizionamentu Ministeriu Justica (MJ), rejeita akuzasaun nebee aprezenta husi Ministeriu Publiku (MP) kona ba kazu Lucia Lobato nian, nebee balun loos no balun la loos. 

Tribunal Distrital Dili (TDD), iha Kuarta (09/05), halao kontinuasaun julgamentu ba arguido Antonio Araujo Freitas, tamba deskonfia halo korupsaun no abuzu de poder ba konkursu projeto rehabilitasaun ba Guarda Prizional Becora Dili, iha tinan 2008, maibe arguido rasik konsidera akuzasaun husi MP, balun los no balun la loos. 

“Hau nunka falsifika dokumentus inklui asinatura sira nee, tamba antes hau nia kolega de jure sira atu asina dokumentus, sira lee uluk kriteria foin mak asina,” dehan arguido ba Tribunal, hodi hatan perguntas husi juiz kona ba asinatura no falsifikasaun dokumentus sira nee loos ka lae. 

Nia mos esklarese liu tan katak, iha momentu nebaa laos nia mak kontakto ho emprezarios sira hodi konkore ba konkursu nee, maibe emprezarios sira hare dereitamente avizu nebee taka iha kuadru avizu Ministeriu Justica nian. Kompainia nebe manan konkursu no kaer projeto nee, laos Xefe Aprovizionamentu mak deside, maibe Superior Ministra Justica, Lucia Maria Brandâo Freitas Lobato mak deside iha konkursu nebee kompainia tolu, kompostu husi Kompainia Zoro Construction Lda, no kompania rua seluk, Tribunal la temi. 

Finalidade husi konkursu nee, Kompainia Zorro Construction Lda mak manan hodi kaer obra nee, ho total orsamentu U$ 70.870 mill husi total orsamnetu kada konstrusaun ba uma, ida hetan U$ 17.340 mill. 

Iha tribunal, testamunha Elia Vong nudar nain ba Kompania Zoro Construction deklara katak, iha momentu nebaa nia la hatene, iha Ministeriu da Justica iha projeitu kona ba rehabilitasaun uma Guarda Prizional, maibe nia simu telefone ho numeru kantor iha dadersan hodi hatete ba nia atu hatama dokumentus hodi tuir konkursu. 

“Hau rona informasaun nee hau konsege ba sosa duni dokumentus ho ho valor U$ 10.00,” dehan testamunha nee ba tribunal. 

Julgamentu nee halao husi Juis Koletivo, nebee kompostu husi Duarte Tilman (Juiz Prezidente) Antonio Gomes (Juiz Internasional), João Ribeiro, Angelina Saldanha ho Felismino Cardozo husi (MP). Kazu nee rejistu ho numeru de prosesu, 58/C.ord/2011/TDD. Tuir orariu, kazu nee sei julga fali iha Tersa (29/05), tuku 14:30, hodi rona tan deklarasaun husi testamunha seluk. nes

STL, 11 Maiu 2012

KAK Laiha Direitu Investiga FFTL

DILI - Sekretariu Jeral (Sekjer) Federasaun Futebol Timor-Leste (FFTL), Amandio de Araujo rejeita Komisaun Anti Korupsaun (KAK) nebee atu halo investigasaun ba federasaun nee, relasiona ho ezekusaun orsamentu ba eventu Sea Games, nebee tinan kotuk halao iha Indonesia.

Amandio ba jornalista iha Sede FFTL-Dili, Tersa (08/05), hateten, orsamentu nebee aloka ba iha Sea Games nee pertense ba responsabilidade Sekretariu Estadu Joventudi no Desportu (SEJD), laos FFTL. Needuni KAK iha direitu atu investiga SEJD ou ba iha CONTL, tanba sira maka kaer osan ida nee.

Needuni Amandio husu ba SEJD, atu labele hatudu liman ba ema seluk, hanesan dadauk hatoo iha publiku katak FFTL seidauk selu hotel balun iha Indonesia, ida nee mos bosok publiku. Tanba iha nasaun nebee deit kuandu hela iha hotel atu sai tenke selu kedas, laos sai tiha mai nia rain maka atu selu, ida nee bosok. FFTL husu deit ba SEJD atu ajuda laos atu fo subsidiu, needuni KAK lalika mai atu investiga FFTL. Tuir loloos KAK atu halo investigasaun ba iha SEJD, kona ba orsamentu hirak nebee aloka ba iha eventu Sea Games.

“Kazu ida nebee sira hatudu liman mai ami, ida nee hanesan konspirasaun politika, hakarak hatun ami nia lider sira nee. Hau hare iha Jornal hakerek kona ba ami nia Prezidente FFTL, nudar lider CNRT, ida nee atu daet ba iha ita nia Xefi Governu, Kay Rala Xanana Gusmão. Ida nee konspirasaun politika kotor nebee maka besik eleisaun hodi hatun ami nia lider sira,” nia hateten.

Amandio la aseita KAK atu mai halo investigasaun mai FFTL, tanba FFTL orgaun ida nebee laos tutela ba governu. Nia rekoinese katak FFTL nunka simu subsidiu governu nebee aprova mai husi Parlamentu Nasional. Kuandu FFTL hetan ajuda ruma bainhira iha jogus internasinal, FFTL bele hatoo ba iha SEJD, nebee dalam bentuk bantuan, laos subsidiu. Kuandu subsidiu konserteza hetan aprova husi parlamentu.

“Ami rejeita karta mai husi KAK katak subsidiu, durante subsidiu laiha ba ami, ita bele haree took iha parlamentu katak SEJD fo subsidiu ba FFTL kada tinan-tinan iha zero, ami hetan kuandu atividade internasional lori Timor nian naran, kuandu ami nia osan latoo maka ami husu ba iha SEJD liu husi proposta nebee iha,” nia esplika.

Nia dehan, KAK hakarak hetan dokumentus, ajuda husi governu 2002 too mai iha 2012, FFTL nunka simu buat ida husi governu. Bainhira koalia kona ba orsamentu selu hotel iha Indonesia, ne’ebe sai iha publiku katak FFTL la selu hotel, tuir Amandio, ida nee SEJD konfundi sala karik, tanba FFTL halo tiha nia vizita ba nasaun barak, bainhira hela iha hotel, kuandu nia sai selu kedas, la hanesan SEJD koalia nee.

Kona ba hotel, sira nia orsamentu tama iha jogu Komite Olimpiku ho SEJD sira nia konta, laos ba iha FFTL nia konta. Sira diskunfia hotel la selu, see karik otel nee FFTL la selu bele klarifika iha konsuladu TL nian iha Bali.

Kona ba iha familia ba tuir eventu Sea Games, membru FFTL lori duni sira nia familia, maibe sira nee seluk rasik, laos utiliza osan nebee aloka tiha ona ba iha jogador sira, tuir paket neebe aseita husi kimisaun PAE husi SEJD nian.

“Ami la book osan hirak ne’e ba interese ema seluk nian ba iha interese ekipa nee ninian. Kuandu ema ida ne’ebe dudu KAK mai investiga FFTL ne’e nia matan delek, nia la hatene prosesu ami nian, tanba ami hahu ami nia aktividade iha 2001 ho zero too mai, ami halo prosesu 2005 maka FIFA hanoin ami fo subsidiu ba ami husi orsamentu ne’ebe hanaran FIP katak tinan-tinan hetan 250 ribu Dolar Amerikanu, ida ne’e ba nia membru hamutuk 208 iha mundu tomak,” nia informa.

Atu halo auditoriu ba orsamentu hirak ne’e, FIFA rasik maka sei haruka nia ema mai halo audit ba iha FFTL, laos KAK maka atu halo investiga kona ba ida ne’e. Bainhira KAK maka dalaruma ida ne’e iha ona konspirasaun politiku ruma maka haruka atu halo investigasaun ba FFTL.

Iha fatin seluk, Sekretariu Estadu Juventudi Desportu (SEJD), Miguel Manetelu ne’ebe informa liu husi Jurnal Independente katak KAK atu investiga FFTL, tanba diskunfia iha korupsaun iha FFTL. FFTL deskunfia hamosu indikasaun Korrupsaun Kolusaun Nepotismu ba falsifikasaun resivu eventu Sea Games foin lalais nee iha Indonesia. “Maske osan nee la boot, maibe ne’e osan povu nian, hau sente merese atu investiga duni FFTL no talves mos bele investiga mai ami, tanba ami maka hasai osan fo apoiu,” tenik Manetelu.

Nia dehan, se FFTL hatama ona relatoriu ne’e ba nia parte haree iha buat balun ladun loos iha gastu orsamentu. Kazu FFTL laos foin maka akontese indikasaun KKN, maibe desde uluk nia parte husu ba Inspetor Jeral Estadu atu investiga FFTL inklui mos organizasaun desportiva hotu nebe hetan apoiu husi governu.

Manetelu hatutan, foin lalais nia simu karta husi Panitia Sea Games Indonesia nian nebee informa katak, hotel balun iha Indonesia ne’ebe FFTL uza hodi hela durante Sea Games, seidauk selu. car

STL,  09 Maiu 2012

Problema Kareta 88-PN, La Sama Prontu Ba Tribunal

DILI - Prezidente Parlamentu Nasional, Fernando La Sama de Araujo iha tempu badak sei Tribunal bolu, nia prontu fo deklarasaun relasiona ho kazu kareta 88-PN ninian.

Ba STL, Prezidente PN Fernando La Sama de Araujo hateten kareta sira ne'e agora sei prosesa hela, buat ne'e nakloke KAK husu informasoens hotu no PN fo laiha buat ida maka rezerva iha ne'e.

"Ami hein hela bainhira maka Tribunal atu bolu hodi hatan saida maka akontese, atu ba hatan iha Tribunal maka Sekretariu Jeral no hau mos prontu sei bolu ba iha Tribunal," La Sama dehan ba jornalista sira iha Hotel Timor, depois remata tuir lansamentu serimonia partisipasaun Feto iha vida politika, Kuarta (9/5).

Tuir La Sama nia hare kazu ne'e  osan sosa kareta no presu kareta ne'e razuave baratu liu fali kareta sira ne'ebe instituisaun seluk sosa, depois osan restu sosa fali kareta ba staf sira laos ba deputadu sira deit, ba sekrtetariadu PN nian mos sosa  no sosa motor. Osan restu to fin di ano sei restu tan no haruka fila fali ba kofre estadu. Informasaun kompletu iha STL Jornal no STL Web, edisaun Kinta (10/5). Jaime do Rosario

STL, 09 Maiu 2012 

KAK Aprezenta Relatoriu Auto-Avaliasaun ba Konseilhu Ministrus

Radio, online – Komisaun Anti Korupsaun (KAK), foin lalais ne’e aprezenta relatoriu konaba auto-avaliasaun implementasaun Konvensaun Anti-Korupsaun Nasoens Unidas (UNKAK) iha Timor-Leste. 

Informasaun ne’e radioonlione.com asesu liu husi via email KAK nian iha dia (2/05) . Komunikadu ne’e hateten, Tim Komisaun Anti-Korrupsaun (KAK) ne’ebe lidera husi Komisáriu Aderito de Jesus Soares, ohin halo aprezentasaun ba Konseilhu Ministrus kona ba relatóriu auto-avaliasaun Konvensaun Anti-Korupsaun Nasoens Unidas (UNKAK) nian iha Timor-Leste. 

Aprezentasaun ne’ebe han tempu durante minutu tolu-nulu ne’e foka ba pontus importante balu inkluindu mekanismu revizaun UNKAK nian, siklu revizaun, dezafius ne’ebe hasoru, medidas balu ne’ebe foti hodi halo konsiderasaun wainhira halo auto-avaliasaun ba siklu tuir mai, no abordajen global konaba Timor-Leste nia estratejia nasional ba kombate korrupsaun. 

Konseilu Ministrus simu ho laran luak relatóriu auto-avaliasaun ne’e no trata relatóriu ne’e hanesan dokumentu importante ida kona ba Timor-Leste nia esforsu hodi kumpri lala’ok konvensaun internasional nian. Primeiru Ministru Kay Rala Xanana Gusmão iha nia intervensaun hatete katak relatóriu auto-avaliasaun ne’e tenki sai nudar baze importante ida atu hodi refleta iha ita nia prosesu dezenvolvimentu estratejia nasional ba kombate korrupsaun iha Timor-Leste. 

Timor-Leste hahu nia prosesu auto-avaliasaun UNKAK iha fulan Abril 2011 depois de Konseilhu Ministrus hatudu KAK sai nudar pontu-vokal reprezenta Timor-Leste no atu lidera prosesu revizaun ba auto-avaliasaun ne’e. Mekanismu revizaun ba implementasaun UNKAK iha Timor-Leste ne’e foka ba Siklu Dahuluk. 

Iha Siklu Dahuluk ne’e hare ba Kapitulu III konaba Penalizasaun no Implementasaun Lei no Kapitulu IV konaba Kooperasaun Internasional. Prosesu revizaun ne’e hetan suporta husi Sekretariadu Mekanismu Revizaun UNKAK nian iha Viena no Misaun ONU iha Timor-Leste (UNMIT). Hamutuk perguntas liu 300 maka hetan revizaun iha durante prosesu halo auto-avaliasaun ne’e. 

Aprezentasaun ida ohin ne’e halo antes de Peritus Country Visit nian mai vizita Timor-Leste, ne’ebe tuir kalendáriu sei hala’o iha entre loron 22-25 Maiu 2012.

RLD, 04 Maiu 2012

“Deskonfia Mosu Korrupsaun, CAC Sei Bolu Prezidenti FFTL”

Comisaun Anti Corupsaun (CAC) foin lalais ne’e verifika dadus balun ona iha Federasaun Futebool Timor-Leste tanba deskonfia mosu aktu korupsaun. 

Maske iha informasaun klaru kona ba kazu saida mak lideransa FFTL komete, maibe komisaun CAC Aderito de Jesus rekoinese nia ekipa hahu ona investiga FFTL. 

Nune’e, iha tempu badak CAC sei bolu lideransa FFTL hodi presta deklarasaun iha edifisiu CAC. 

Tuir informasaun ne’ebe mak INDEPENDENTE rekoilla katak, kazu ne’e kona ba falsifikasaun dokumentus ba ivento desportu internasional iha Asia Games, no kazu sira seluk. 

“Investiga ona, mais klaru liu depois bainhira ami bolu sira (FFTL) mak akompania,” deklara komisariu CAC, iha intervista eksklusivu ho INDEPENDENTE foin lalais ne’e. 

Aderito hatutan, oras ne’e dadaun parte investigador sira kontinua esforsu hodi rekoilla faktus hodi submete ba investigasaun.

JI, 30 Abril 2012