HAKRIBI KORUPSAUN KOLUSAUN NEPOTISMU
Hapara korupsaun!, se O lakohi naukten sira goza...
KONTRA PENSAUN VITALISIA
“Lucia Lobato Tinan 5 hela iha Becora”

Sunday, January 30, 2011

OJE2011 ba KAK aprova ho unanimu

Dili. OJE2011 aloka ba Komisaun Anti-Korupsaun (KAK) aprovadu ho unanimu. Total OJE ba KAK hamutuk US$1,649,000.00 ho tan aditamentu husi propostas 4, hetan aprovasaun unanimu ho votus Favor (59), Kontra (0) no Abstensaun (1).

Prezidente Parlamentu Nasional (PN) Fernando Lasama de Araujo haktuir katak, "ne'e hatudu katak representante Povo iha Parlamentu Nasional iha kompromisu bot ba kombate ba Korupsaun (TVTL26/01/2011)".

Komisaun Anti Korupsaun (KAK), harii tamba kompromisu IV Governu Konstitucional, lidera husi PM Kay Rala Xanana Gusmao hodi kombate korupsaun liu husi harii sistema. Liu husi Lei No.8/2009, 15 de Juliu, hodi estabelece Komisaun Anti Korupsaun (KAK).

Fonte: Forum Haksesuk

Wednesday, January 19, 2011

Korupsaun: Lei Pensaun Vitalicia vs knananuk "Eh Foho Ramelau"

Dili - Wainhira Senhor Doutor sei kaer I governo nebe hanaran-an "Governo Inclusivo Impopular da Fretilin" halo ona lei ida naran "LPV - Lei Pensaun Vitalicia". Wainhira Presidente Republika Xanana Gusmao fo veto ba lei ne'e, Lu'olo ho Mari hatan hadau malu nune'e "lei ida ne'e virgula ida deit mos sei la muda". Presidente Republika iha tempo neba hare hetan impaktu a'at LPV ba sociedade nebe hasouru mukit oi-oin ho rendimentu miniu ($ 0.50) loron ida.

Se povo moris nune'e, sira nebe hanaran-an saseluk/representante povo nian labele hela deit iha uma simu osan 100%, sa tan bele hatama sasan husi liur la selu taxa ou se ex-deputadu ka ex-governante ne'e hakarak ba estrangeiro, lori ho nia familia (fen, laen, oan, etc) estadu mak selu nia viagem maibe sira mak hili hakarak tur iha VIP ka classe economico. Lei ka LPV ne'e la halo tuir lolos deit lia-fuan nebe Mari dehan iha 2005 "osan petroleo laos atu fo han fahi krekas sai bokur" basa ex-deputadu ka se deit nebe la aktivu maibe simu osan 100% hanesan lolos deit "fahi krekas nebe han to bokur". Iha Indonesia nia tempu maun alin balu hakerek musika ida dehan nune'e: "Nusa liman kabun bo'ot, ain kabun bo'ot la ba buka servisu?".

Se ita hakarak kait ho LPV "nusa ex-deputadu, ex-governante" nebe sei ho idade produtivu la ba servisu? Hein deit simu deit han deit? depois koalia ema seluk halo programa social ajuda ema nebe uluk kontribui ba ukun-an, ohin loron kbi'it laek ona, dehan korupsaun? Depois koalia kontra programa nebe apoia Ex-combatentes Libertasaun Nasional, dehan hanorin sira sai dependente "Fretilin Secretary General, Mari Alkatiri said it was important not to make people to be dependent on the pension funds for the old people and the ex-guerilla fighters but it was important to capacitate them on how to manage the money" (cit in Diario Nacional 18/1/11).

Ladun pedagogiku ka politikamente los, se kritika lei ida nebe afekta "positivamente" ema barak nia vida maibe ignora ka halo finge haluha tiha koalia kona ba lei imoral LPV... dun ema seluk koruptu maibe simu osan husi estadu ho proteksaun lei imoral LPV. Depois to'o eleisaun ba kanta musika "eh foho ramelau, taka liman iha fuan" hodi haknauk povo nia votos. A'at liu tan la hatene interpreta musika "eh foho ramelau" ninia sentidu saida "tan sa timor oan atan ba beibeik". Halo lei hodi hariku-an ne'e explora ema kbi'it laek sira. Halo povo atan ba bei-beik. Hananu "eh foho ramelau" bos-bosok depois haruka forsas tiru ema sivil ka policia liman tanan hanesan 2006, forma milisia, ne'e hatudu deit hipokrisia husi ema nebe hakarak aproveita deit ema seluk ba ninia interese rasik!

Mai ita hamutuk hasouru ema nebe hakarak hanehan ita hodi moris iha riku nia leten!

Monday, January 10, 2011

Meja Parlamentu Nasional ajenda ona ba haksesuk konaba Lei Pensaun Vitalicia depois OJE2011

Dili. Forum Haksesuk (FH). Meja Parlamentu Nasional (PN) ajenda ba haksesuk konaba Lei Pensaun Vitalicia (LPV) depois debate OJE2011. Haktuir ne’e husi Presidente PN Fernando Lasama de Araujo iha ninia residencia oficial, Farol, Dili, Segunda-Feira (10/01/2011), wainhira surumutuk AMP (Alianca Maioria Parlamentares), husi membrus Parlamentares AMP no membros governu sira hotu.

Haktuir tan Lasama de Araujo, ”deputadus hamutuk 33 hatama requerimentu ba meja atu loke diskusaun hodi altera Lei Pensaun Vitalicia (LPV)”.

Tenik tan Lasama, ”alterasaun husi 100% simu pensaun ba 25%, tamba Lei antigo ne’e injustisa bot ida”, dehan Lasama.

Iha tinan 2008, ex-PM Dr. Mari Alkatiri hahu hakerek surat ba IV Governo Konstitusional, evoka Lei 7/2007, 25 de Julho no mos Decreto 2/2007, 1/Agosto, hosi Governo (FRETILIN), kona ba Direito no Regalias iha Pensaun Vitalisia!

MPK


ARTIGUS DAE'T HO LEI PENSAUN VITALISIA

By Martinho G. da Silva Gusmão
By Filipe Rodriguês Pereira
By Husi Ami STL

Fonte: FORUM HAKSESUK
http://www.forum-haksesuk.blogspot.com