Kategoria: Notisias Online
DILI—Presidente Komisariu Komisaun Anti Korupsaun (KAK), Aderito de Jesus hatete nia simu ona kazu korupsaun tolu (3), ne’ebe involve fonsionariu public, kazu halo tiha ona investigasaun sei integra ba iha Ministeriu Public (MP).
“Ami simu tan, kazu tolu ne’e segredu husi justisa, hau labele fo sai no hau labele koalia kona ba ida ne’e, ida ne’e maibe kazu ida ne’e ami sei hato ba iha ministeriu publiku depois sei to iha tribunal,” hatete Aderito ba Jurnalista bainhira halao serimonia Planu Estratejiku iha Sentru Formasaun Joao Paulo II, Komoro, Tersa (22/2).
Alende kazu tolu ne’ebe oras ne’e dadauk KAK halo investigasaun hetan ona delegasaun husi MP, iha mos balun KAK komesa halo analiza dadaun oinsa atu bele komunika ba iha MP.
Iha oportunidade ida ne’e mos, Presidente Parlamentu Nasional (PN), Fernando ‘Lasama’ Araujo informa mos katak, iha tempu badak dadauk sira sei aprova lei KAK balun ne’ebe iha relasaun ho korupsaun, ho lei ida ne’e bele sai instrument ida hodi nune’e KAK bele halo nia servisu.
“Lei KAK agora iha ona iha Parlamentu, hanesan kona ba iha Money Laundry ninian, ne’eduni antes Junho nia laran ami bele aprova ona. Hanesan hau nia prezensa iha iha Workshop ida ne’e atu inkoraja komisariu KAK ho nia Adjuntu nain rua, ho nia staf tomak atu servisu makaas liu tan atu osan ida povu nian bele to duni ba iha povu, labele maran iha dalan klaran,” hatete Lasama.
Iha oportunidade ida ne’e, Vise Ministru Finasas, Rui Hanjan iha nia deskursu mos kona ba planu estratejika dezenvolvementu nasional no mos fundus especial iha orsamentu tinan fiscal 2011.
Antes ne’e mos, Prokurador Jerald a RDTL, Ana Pesoa aprezenta mos ninia relatoriu ba iha uma fukun PN, kona kazu konrupsaun, no abuzu de poder. Iha nia relatoriu ne’e hatudu mos funsionariu no mos membru PNTL balun involve iha korupsaun no mos abuzu de poder. Oscar Salsinha
Tersa, 22 Fevereiru 2011 - 15:09:29 OTL
No comments:
Post a Comment