Dili - “Primeiru Ministru Xanana Gusmão afirma, Governu ne’ebe nia lidera kompremete an kombate korupsaun, tamba ne’e, Governu ne’e nakloke ba Publiku tomak.PM Xanana Gusmão koalia ida ne’e iha serimonia lansamentu Portal Transparansia Timor Leste ne’ebe hala’o husi Ministeriu Finansas,Tersa (15/3) iha Centru Convenção Dili, eis Merkado Lama.
“Governu ne’ebe hau kaer hakarak komprete an atu kombate korupsaun iha Governu no iha administrasaun publika nia laran,” koalia PM Xanana.
PM Xanana koalia, buat hotu-hotu ne’ebe bele kaer nudar mekanismu atu gasta osan povu nian ho diak, ida ne’e hotu mak esplika katak, Portal transparansia ninian nudar uma das medidas, salah satu mos.
“Medidas hotu ne’ebe ita monta, it abele temi dehan, objetivu hakarak kombate korupsaun, i ida ne’e bele enkoraza partisipasaun povu iha desizoens politikas no ejekuzoens desizaun sira ne’e, kria mekanismu transparansia ne’ebe diak no ativa sistema ne’ebe hotu-hotu bele hare,” koalia PM Xanana.
Chefe Governu ne’e hateten, komprimisiu ne’ebe hotu-hotu hakarak haloba nia rain no povu maka, hahu dadauk transparansia.
“Se ita hakarak atu dezenvolve ita nia rai ho osan ne’ebe barak teb-tebes, miloens ba miloens dollar, entaun ita presiza hahu ho buatsira ne’ebe ita hakarak hahu dadaun ne’e maka transparansia.
Ne’e duni pratika desde inisiu mandate Governu ida ne’e ninia ho debate ne’ebe aprofundadus tebes konaba orsamentu Estadu, ne’ebe povu tomaka kompanha, ne’e pratika transparansia ida, pratika katak, saida makaita hakarak gasta husi osan estadu nian, povu akompanha katak, osanne’e ejekuta ba saida, povu mos hatene,” dehan Xefe Governu AMP Xanana.
Entertantu, PM Xanana hatutan, iha fulan Agostu tinan ne’e Governu sei lansa mos portal aprovizionamentu, mekanismu hotu-hotu halo, atu impede director ka membru governu atu sai dalan ne’ebe dehan atu estraga povu nia interese no povu nia osan.
Partisipa iha serimonia ne’e maka, Presidente Repúblika Jose Ramos Horta, membru governu, membru Parlamentu Nasional, direktores,sosiedade sivil, emprejarios no seluk. das
No comments:
Post a Comment