HAKRIBI KORUPSAUN KOLUSAUN NEPOTISMU
Hapara korupsaun!, se O lakohi naukten sira goza...
KONTRA PENSAUN VITALISIA
“Lucia Lobato Tinan 5 hela iha Becora”

Tuesday, January 10, 2012

Presiza kria sistema kontrola no utiliza Patrimonio Estadu

Patrimonio Estadu nudar fasilidade no ekipamentu ba membrus governu no nia funsionarius atu uza hosi fasilita halao servisu maibe problems iha Timor-Leste mak seidauk uza ho maximal atu fo benefisiu ba povu.

“Iha tinan ida ne’e [2011] ami halo monitorizasaun ba patrimonio Estadu liu-liu ba transporte deit. Ita hare katak iha mos tendensia makaas utuliza sala transporte Estadu ninian, inklui mos mina. Ida ne’e iha relatoriu ida ne’e ba ministeriu sira hotu, director sira hotu, para atu bele hanoin oinsa maka hamoris mekanismu ida internal para atu kontrola sasan patrimonio Estadu ninian husi kareta, motor, to’o kompustivel” hateten Jose Antonio de Jesus Das Neves, Adjuntu Komisariu Edukasaun no Peskiza, Komisaun Anti-Korrupsaun (KAK), semana kotuk (09/12), iha Sentru Konvensoens Dili.

Adjuntu Komisariu Neves hatutan liu tan katak monitorizasaon KAK ba Patrimonio Estadu liu-liu ba kareta sira halao ba dala uluk ne’e fulan rua (2) deit, maibe sistema kontrola tuir los tenki halao durante tinan tomak.

Iha biban seluk Deputadu Manuel Tilman, KOTA, Prezidente Komisaun C, Parlamentu Nasional, hateten katak Lei ne’ebe aprova tiha ona katak wainhira sasan Estadu liu-liu kareta nebe membru balu uza latuir dalan sansaun ruma sei aplika.

“Iha lei duni, Lei Jestaun I Administrasaun Patrimonial do Estadu, iha Parlamentu mos iha Departamentu ida ne’ebe ke jere patrimonio parlamentu nian, nomos iha lei organika ida katak kada ministeriu atu controla kestaun ida ne’e,” hateten Deputado Tilman.

Deputadu ne’e hateten mos katak iha Parlamentu Nasional tenki halo regras diferente katak kareta fo ba Deputadu sira atu halao nia servisu 24 oras. Kareta seluk tan fo ba funsionariu hanesan Diretores sira, ida ne’e iha regras seluk, no regulamentu ida kada servisu nian.

Diliweekly, 10 Jan 2012

No comments:

Post a Comment