CAC Hanesan Ajudante MP Hodi Halo Investigasaun

DILI - Comisaun Anti Corupsaun (CAC) hanesan ajudante Ministeriu Publiku (MP) hodi halo investigasaun ba kaju espesifiku hanesan Kaju Korupsaun.

Prokuradora Jeral Republika (PJR), Ana Pessoa Pinto hatete sira sei nafatin ajuda CAC liu husi fo formasaun Konjunta, tanba CAC hanesan ajudante MP atu halo investigasaun.

“Tanba ida nee maka hau bele dehan ami interese atu tulun Polisia Investigasaun Kriminal no mos tulun CAC, tanba sira atu ajuda Administrasaun Justisa,” hatete Dra. Ana Pessoa Pinto ba Jornalista Kinta (21/07), iha Palasiu Prezidensia Nicolao Lobato, Bairo-Pite Dili.

CAC hatete Eis Ministra Estatal nee katak, hanesan Polisia sientifika, ho sentidu ida katak sira atu tau matan deit ba kazu korupsaun.

Entretantu Comisariu Anti Corusaun (CAC) Aderito de Jasus hatete atu hasae ka aumenta liu tan kapasidade Investigador CAC nian, maka sira haruka ona Investigador balu ba estuda ona iha Estranjeiru. Informasaun kompletu iha STL Jornal edisaun Sabado (23/7). Terezinha da Costa

STL, Sesta, 22 Julhu 2011
Posting Husi : Josefa Parada

KAK Aumenta Kapasidade iha KPK Indonesia

Atu aumenta tan kapasidade hodi kombate korupsaun iha Timor Lesta Komisaun Anti Korupsaun (KAK) hala’o hela estudu kona ba meius atu kombate korupsaun iha Komisi Pemberantas Korupsi (KPK) Indonesia,durante loron rua.

“ami estuda oinsa atu hari’i instituisaun ne’e hodi hala’o nia funsaun ho diak,” dehan Komisariu Komisariu Anti Korupsaun, Aderito de Jesus Soares, tersa ne’e(19/07).

Aderito hateten KAK mos hala’o serbsiu hamutuk ho KPK iha area kapasitasaun rekursu umanu. “Serbisu hamutuk ba oin hodi hala’o investigasaun integradu,” informa Nia.

Nia hatutan mos, KAK hili estuda iha Indonesia tanba KPK iha esperiensia barak liu,alein de KAK foin hari’i tinan 1 ho balun deit. ”Staf deit foin maka serbisu fulan 8,” afirma Komisariu KAK.

Aderito esplika katak hahú hari’i KAK ne’e ho misaun boot rua deit mak kombate korupsaun no investigasaun. (TE)

July 20th, 2011
http://timorexpose.com

Lider Komunitaria Presiza Konhesementu Baziku Servisu KAK

DILI - Lider Komunitaria iha nasaun Timor Leste (TL), presiza hatene no konhese didiak baziku servisu Komiasaun Anti Koropsuan (KAK), atu nune bele ajuda kombate koropsaun.

“KAK hakarak koalia ho sira, tamba lider komunitariu lider nebe mak besik liu ho povu, tuir realidade social politika oi-oin no projetu hotu-hotu nebe mak implementa iha rai ne’e, sempre hatur Aan iha suku ida-idak ninian, tan ne’e too tempu ida xefi suku sira bele sai nain ba projetu,” dehan Komisariu Adjuntu KAK ba Departementu Edukasaun Kampania no Peskiza, Jose A. De Jesus das Neves, ba Jornalista, Sesta (8/7) iha Fundasaun Oriente Licedere, Dili.

Komisariu Adjuntu KAk ne’e hatutan, Lider Komonitaria sira mos tenki iha koinesementu baziku oinsa mak porjetu ne’e bele hahu to’o hotu no kualidade, maske liga ho aspeitu tekniku barak, maibe konhesementu baziku tenki iha.

Iha fatin hanesan Prezidente Forum Lider Komonintaria Distritu Dili, Martinho Rodrigues Pereira hatete, atu hare dezemvolvimentu barak iha suku laran, tamba hare projetu barak mak tun ba iha suku no rona katak xefi suku rasik mak sai nain ba projetu ne’e. Informasaun kompletu iha STL Jornal no STL Web, edisaun Sabadu (9/7). Timotio Soares Gusmão

Posting Husi: Josefa Parada
STL - Sesta, 08 Julhu 2011