CAK Halo Ona Investigasaun ba Kaju 14

DILI - Prezidente Comosaun Anti Corupsaun (CAC), Aderito de Jesus hateten CAC halao ona kolaborasaun ho entidade hotu, atu kombate korupsaun iha nasaun ne’e.

"CAC halao ona kolaborasaun ho entidade hotu iha ita nia rai laran no prosesu kaju investigasaun agora lao nafatin, iha kaju 14 nebe ita investiga ona,” dehan Aderitu ba STL iha, Dili Convention Center (DCC) Quarta (29/6).

Nia mos salient liu tan, iha semana kotuk nia rasik halao ona aprezentasaun iha Konsellu Ministru, konaba sira nia prosimasaun nebe halo ho alfandega. Iha ministeriu balun maka husu atu halo asaun prevensaun, maibe asaun ne’e tenke lao neneik, atu nune’e bele hetan rejultadu.

Entertantu deputadu Independente, Mateus de Jesus, iha uma fukun PN hateten, wainhira atu halo investigasaun ba kaju ida, presiza halo investigasaun klean liu konaba kaju nia lalaok. Madalena Horta

STL, Kuarta, 29 Junhu 2011
Posting Husi : Josefa Parada

Prevene Mosu Korupsaun Iha Diresaun KRA, Bucar : Tenki hadia Nivel Salarial

DILI - Adjuntu Komisariu Komisaun Anti Korupsaun, Manuel Bucar hatete, atu prevene Korupsaun iha Diresaun Kobransa Reseitas Alfandega (KRA), maka Governu tenki hadia ni vel Salarial nebe diak ba sira, atu nune bele evita mosu korupsaun iha Diresaun nee.

“Buat nebe maka presiza hadia maka, katak kodegu konduta diresaun nian sei prosesa hela iha Draf, ka Lei, no proposta husi Finansas nian katak oinsa sira bele hetan proposta saliarial nebe diferente oituan,” hatete Bucar ba STL iha Salaun Delta Nova, Tersa (28/06).

Komisariu nee hatutan CAC tenki iha kompetensia akonseilla ba Instituisaun kualker Etadu nian, ho Instituisaun publika sira, ba tinan ida nee CAC planeia aktividade nebe laos deit mai iha Ministeriu Finansas, maibe ba mos iha fatin hotu-hotu.

Iha fatin hanesan Vice Ministru Finansas Rui Maria Hanjam hatete, kona ba rekomendasaun CAC nian, nia aseita, tanba kuandu buat sira ne’e sira hetan, sei la mosu korupsaun. Terezinha da Costa

STL
Posting Husi : Josefa Parada
Tersa, 28 Junhu 2011

Kombate Korupsaun Liu Husi Dalan Rua

Dili. Moprokak. Kombate ba Korupsaun liu husi dalan rua (2), maka: Prevensaun ba korupsaun, liu husi edukasaun civika ba instituisaun sira ne'ebe maka sai nudar potensial ba pratika korupsaun no tendencia ba pratika korupsaun. Seluk maka, investigasaun ba krimi korupsaun rasik.

Prevensaun korupsaun, oras ne'e dadaun, Komisaun Anti Korupsaun (KAK) halao servisu hamutuk instituisaun sira ne'ebe maka dala barak mosu kasu korupsaun ka iha percepsaun publika konaba korupsaun rasik. Hanesan foin dadaun ne'e, workshop entre KAK ho Miniseriu Finansas, Diresaun Alfadega no receitas nian. Socializasaun no edukasaun ba ajentes iha instituisaun refere importante,oinsa maka defini konaba pratika korupsaun. Dala barak maka ajente estadu nia sira ladun konprende saida maka pratika korupsaun iha sira nia knar fatin. Iha nivel ne'ebe maka konsidere nudar koruptus. Hahu husi buat kiik, hanesan tama servisu la kumpri horarios ka jadwal kerja ne'e koruptus, simu oan rokok ne'e koruptus, sst.

Servisu ne'e, atrai instituisaun estadu nian, ministerius sira,halo programa ba servisu hamutuk ho KAK hodi kapasita ba sira nia funsionairus ka ajentes sira konaba korupsaun.

Investigasaun, ne'e implika rekursus ne'ebe bot, rekursus umanus no rekursus financeirus no rekursus ba teknolojia no informasaun. KAK hahu kapasita ba elementus sira, ba investigadores sira, liu husi koperasaun internasional ho rai no instituisaun sira ne'ebe maka iha espert ba forma investigadores ba sektores hotu-hotu.

KAK lao neneik maibe lao nafatin hodi kombatae no prevene ba Korupsaun iha Rai Doben Ida ne'e....

Viva KAK !

Hasae Kapasidade Investigador, CAC Haruka Tuir Treinamentu Iha Estrangeru

DILI- Comisariu Anti Corusaun (CAC) Aderito de Jasus hatete atu hasae ka aumenta liu tan kapasidade Investigador CAC, maka sira haruka ona Investigador balu ba estuda iha Estranjeiru.

“Ita haruka ona sira balu ba treinu iha Australia, Bankok, Malaysia, Singapura no Honkon, ida nee ita halo,” hatete Aderito ba STL foin lalais nee iha nia servisu fatin.

Aderito hatutan CAC tenki prepara ema ho kapasidade spesifiku ba area nee. Tanba tuir Nia Nee Laos ema para hakerek deit, maibe tenki hatene halo investigasaun ba kaju korupsaun li-liu krimi korupsaun.

Mai be iha Parte seluk hatete Aderito tuir teoria ema atu sai Investigador diak ba kaju kontra krimi ekonomiku, tenki estuda tinan 3, maibe CAC lae, Semana tolu tuir trenamentu, fulan tolu komesa halo ona Investigasaun. Terezinha da Costa

STL,Kinta, 16 Junhu 2011

CAC Investiga Ona Kaju 13, Aderito: Tempu Badak Sei Lori Ba Tribunal Rekursu (TR)

Tersa, 14 Junhu 2011 - 16:08:09 OTL

DILI-Comisariu Anti Corupsaun (CAC) Aderito de Jesus hatete tinan ida nee sei lori kaju barak ba Tribunal hodi prosesa tuir lei, maibe oras nee dadaun ekipa investigador CAC halao hela investigasaun.

“Investigasaun oras nee dadaun, ita iha kaju formal hamutuk 13, hau dehan kaju formal nee tamba ita halo investigasaun husi inisiu Ministeriu Publiku (MP) ka Prokurador sira akompaña, sira hatene saida maka lao,”hatete Aderito ba STL iha Nia servisu fatin, Farol Dili, Tersa (14/06).

Iha parte seluk hatete Aderito CAC laos halo deit investigasaun, maibe hakarak tau iha kontestu ida dehan CAC iha misaun boot rua tuir Lei, ida maka misaun prevensaun, ida fali maka investigasaun kriminal.

Iha okajiauan nee mos Nia husus atu Media Kolabora nafatin sira, tanba tuir Nia Media nia kampaña importante, maibe mos tenki fo ajuda ba sira nia prosesu investigasaun ida nee.

Hatan kona Ministeriu nebe maka tama hatete Aderito ida nee nia rasik labele koalia, tamba nia tenki kaer sigredu Justisa, respeitu suspeitu sira nia Direitu.

Deputadu Bankada Fretilin Francisco Branco hatete, atu hari Instituisaun ida tenki presiza mos rekursu humanus, finanseiru.

Branco hatutan tempu too ona atu CAC hatudu nia servisu neebe durante sira halo. Terezinha da Costa

STL - Posting Husi: Josefa Parada