Povu Hetan Dalan Loos Husi Lucia Lobato

DILI - Defensor Publiku Sergio Hornai, konsidera julgamentu kazu Lucia Lobato, nudar dalan los justisa no demokrasia nebe povu ki’ik sira haree iha Timor Leste. 

“Nee hatudu katak justica laos ba ema ki’ik sira deit maibe, ema nebe kaer ukun mos hetan justisa,” dehan Sergio Hornali ba STL hafoin remata julgamentu ba loron haat, kaju Lucia Maria Brandão Freitas Lobato, iha Tribunal Distrital Dili, Sesta (27/4). 

Hornai hatete, durante julgamentu, arguido kontribui no kolabora diak tebes hodi tesi lia los liu husi dalan justisa, tanba Timor Leste hanesan nasaun demokratika, ema hotu moris iha lei nia okos, hotu hotu obdese i kumpri lei. Laos ema ki’ik deit, maibe ema bo’ot sira mos komesa hatudu dalan los justisa ba povu katak, justica la fihir ema bo’ot ka ema ki’ik. 

Sergio mos apresia ho modelu julgamentu nebe aplika ba Lucia Lobato, tanba julgamentu nee loke ba publiku hotu bele rona no hatene lolos problema nebe lori Lucia ba tuur iha kadeira arguida. 

Julgamentu ba kazu Lucia nian ba loron haat, rona deklarasaun husi testamunha nain 15, husi deklarasaun testamunha hirak ne’e bele nota katak iha diferensaun entre sasin ida ho seluk. Nunee julgamentu ba kazu nee sei kontinua hikas iha 23-25 de Maio 2012, oras tuku 9:00 dadersan hodi rona tan testamunha balu nebe seidauk presta deklarasaun iha Tribunal. 

Kazu Ministra Justisa Lucia Lobato nian prezide husi Juiz koletivu, hanesan Edite Palmira (juis presidente), Jose Maria de Araujo, Paulo Texeira (juis internasional), Angelina Saldaina, Jose Ximenes, Felismino Cardozo husi Ministeriu Publiku (MP). Sergio Hornai, Cansio Xavier, Fernando Carvalho husi defeza. nes 

STL, 30 Abril 2012

Elisaun Prezidensial 2012, KAK Seidauk Resjistu Money Politik

DILI - Durante kampania too iha Elisaun prezidensial nebe Povu Timor Lesta halao tiha ona no konsege hili Prezidente Eleitu Taur Matan Ruak (TMR), to’o oras ne’e Komisaun Anti Korupasaun (KAK) seidauk iha data kona ba money politic.

“Hau lakohi komentariu antes ita iha konkluzaun kona ba ne’e, mas ita hotu tenki orguilu hanesan timor oan, ami seidauk iha data ida nebe ami bele hatete ba publiku kona ba ne’e (Money Politic Red),” dehan Komisariu KAK Aderito de Jesus ba STL, Kinta (26/4) wainhira partisipa iha seremonia komemorasaun Aniversariu JSMP, Colmera.

Kestaun observasaun durante elisaun prezidensial tuir komisariu Aderito katak  timor oan hotu tenki agradese, elisaun lao diak maske iha buat belun nebe Timor Leste presiza atu hadia tan, maibe elisaun kompetensia CNE no STAE nian.

Nune’e Deputadu Independente, Mateus de Jesus hateten eleisaun prezidensial remata ona liu husi dizisaun povu nian nomos anunsia konaba eleisaun parlamentar nian katak iha 26 parpol maka rejista ona iha TL. Informasaun kompletu iha STL Jornal no STL Web, edisaun Sesta (27/4). Timotio Gusmão/ Thomas Sanches

STL,  26 Abril 2012

Bobocase Husu PN Hadia Lei Pensaun Vitalizia

AMBENO - Populasaun Suco Bobocase, Sub-Distritu Pante Macassar, Oecusse, husu ba Parlamentu Nasional (PN) presiza hadia Lei Pensaun Vitalizia. Sira ha’ree lei nee fo deit beneficio ba ema ida rua. 

Sira ha’ree lei nee la tama kakutak. La realistika. Sira la simu, kuandu nai ulun ida ninia mandatu remata, lor-loron tur deit iha uma, maibe ful-fulan simu osan, entertantu ema barak hikis kosar loron kalan, moris terus nafatin. Entaun lei nee la justu. Estadu gasta deit osan hodi habokur ema ida rua. 

Lamentasoens nee hato’o Clementino Ena, ne’ebe reprezenta populasaun Bobocase, partispa iha enkontru konaba knar PN iha Aldea Bimelo, Suku Bobocase. Programa nee realiaza husi Judisial system Monitoring Programme (JSMP) kuarta semana kotuk. 

“Lei pensaun Vitalizia ne’e tenke troka tamba la fo benefisio mai ami povu maibe fo deit ba nai ulun eis titular tuir lolos hamenus orsamentu hodi tau matan ba Estrada, hospital, educasaun, no seluk tan,”nia hateten.

Nia reforsa katak, see tinan-tinan maka selu osan bobot ba eis titulares sira tenke ajuda halo dezenvolmentu iha rai laran laos atu gasta fali ba ema nebe nia mandatu servisu remata ona maibe nia kontinua hetan salario.

“Sekaudu valoriza ita nia eis titulares sira ami apoiu, naran katak ketan lori osan sai ba nasaun seluk tamba ami povu beik rona informasaun katak iha ema balun halo uma boot, hola rai no kareta iha estrangerus ne’e oinsa los,”nia afirma.

Nune’e mos inan feto Fatima Sequeira katak, tuir lolos Governu tenke tau priodade lai ba kondisaun basika populasaun nian hanesan Saúde,tamba populasaun barak maka seidauk asesu  serbisu saúde maibe sira hare uluk ba sira nia an.

“Ami inan feton sira kuandu moras ka atu halo periksa tenke lao kilometru sanulu resin maka to fatin konsulta, lolos ne’e tenke tau matan lai hafoin maka here pensaun Vitalizia agora sira hanoin uluk sira nia an ami lae,”nia akresenta.

Siqeira reforsa tan katak, ita nia parlamentu nasional sira ne’e hakarak aprova lei ne’ebé maka fo benefisio ba sira, kuandu halo lei ba povu susar atu hetan debate ka aprovsaun projemplo lei rai.

Hatan ba sujestaun ne’e, Jeferino Bobo hanesan observador ba serbisu iha parlamentu Nasional hateten katak hakarak ka lakoi ita tenke kumpri tamba ne’e hanesan dezisaun politika ne’ebé maka Parlamentu nasional sira foti no aprova.

“Lei ida maka hetan ona aprovadu ka president halo pormulgasaun no publika ona iha jornal da Republka ita tenke kumpri atu ita hatene ka lahatene nia benfisio,” Bobo hateten. jos 

STL, 26 Abril 2012